ГӀалгӀай къаман
юкъара газет

Кердадараш

ГIалгIайче тоабеш латт, 11 км бIаьха машинникъ

09.11.2023 00:10

Республикан автодора министерствон говзанчаша никъ тоабара хьалхара дакъа йистедаьккхар, цу наькъо вIаший хотташ хургья МагIалбика кхален Юкъера-Ачалкхе, Наьсарарен кхален Пхьилекъонгий-Юрт. ХIанз укх сахьате, 1,5 км никъ тоабаь баьннаб. Беррига а тоабе беза никъ 10,55 км бIаьха ба. Цунах дийцар «Сердало» газетага наькъаш тоадераша.

Хьалхарча аргIагIа бе беза болх беш, наькъахоша уллаш бола никъ чIоагIбир, тIера тоабир, тIаккха цу тIа шозза асфальт IотIабиллар, новкъа керда басара оасаш дахийтар. «Никъ тоабе лаьрхIар, из малагIча хьале ба хьежачул тIехьагIа, цу хана гучадаьлар дуккханахьара беха, кIоагаш даьнна, лийлха из хилар. Объект йоккха я. Беррига а Iобилла беза никъ 10 километр я, цудухьа аргI-аргIагIа дIахьош ба из болх, хIана аьлча дикал а хьалхарча аргIагIа хила езаш я, цунна оаха цахаддаш терко а лоаттаю», - аьлар ГIалгIай Республикан машений наькъа министра Хаматхананаькъан Батыра. Белгалдоаккх, из тоабеш ба, «ГIалгIай Республикан машиннаькъаш дегIадоаладар» яха программа кхоачашъеш. Автодора министерстве белгалдаьча беса, из программа кхоачашъеш, цIхаштта тоадаь баьнна никъ ба Керда Редант - Лохера Ачалкхе, кхы а тоабе безаш ба Iаьлий-Юрт - СурхотIе, иштта Шолжера Келаматанаькъан Iалихана цIерагIа урам. Цу тайпара «ГIалгIай Республикан машиннаькъаш дегIадоаладар» яха программа кхоачашъеш хилар бахьан долаш, кхы а керда биъ никъ хургба вайцига.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде