ЦУРа балхах дийцар мехка
Мехкадаь, Паччахьалкхен Администрацена кулгал деча Мархенаькъан Анзора кхетаче дӀайихьар «Диалог Регионы» АНО СКФО балхах болча оагӀон хьалха латтача Павленко Артёмаца, дукха ха йоацаш, вайцига цу лоастамагӀа кулгал де хержача Банхай Берсаца.
ЦУРа чухьарча политикаца бувзабенна болх дӀабахьарах дийцар вӀашагӀкхетаре. Гулбеннараша теркалдир хоамашцарча кхерама духьала, иштта кхыдолча оагӀонашца дӀахьош бола болх чӀоагӀбе безилга. Мархенаькъан Анзора белгалдир, Паччахьалкхено, ЦУРо цхьана къахьегаш болх дӀабахьаро паччахьалкхен, наьха хьашташ керте оттадеш, хоамий политикацара болх тоабергхилар.
«Керда декхараш боагӀача боараме кхоачашдеш, хӀама тоадеш бола болх ба вай цхьана дӀабахьа безар», - аьлар Мархенаькъан Анзора. 2025-ча шера ЦУРо дӀабахьа лерхӀача, тайп-тайпара оагӀонаш чулоацаш болча балхах дийцар Банхай Берса. Кердададараш юкъелоацаш, кхоачамбоацараш юстардоахаргдола гӀулакхаш керте оттадеш, къахьегаргда цар. Павленко Артёма теркалдир, мехкара вахара-политически оагӀонцара хьал боаггӀача боараме хургдолаш, ЦУРо дӀабахьа безар лоархӀаме болх болга.
