Боккхача дезалашта гӀо дарах дийцар республике
14.02.2024 09:09
Къахьегамахи вахара хьал тоадарахи йолча министерствон кулгал деча МутаӀаланаькъан Хьажбикара, республикагарча сенатора БӀарахой Мухарбика кхетаче дӀайихьар. ВӀашагӀкхетаре дийцар, «Дезала шу» аьнна чӀоагӀдаьча укх шера дӀабахьа безача балхах, лоархӀамедарех. Из хоам газетага бир ювцача министерствос.
Таханарча дийнахьа, Ӏаьдалгара малагӀа тайпа новкъостал латт боккхача дезалашта, дийцар кхетаче.
«2024-ча шера геттара лакха лерхӀам болаш дӀабахьа беза цу мугӀарера болх. Боккхача дезалашта гӀо лоаттадар керттерчарех да тахан», - белгалдир сенатора БӀарахой Мухарбика.
