ГӀо деш леларий гӀулакх тоадергдолча наькъех дувцаш, кхетаче дӀайихьар вай мехка цу оагӀонна кулгал деча Галай Назира. Из хоам «Сердалога» бир цу моттигера.

«Даьла духьа къахьега раьза бола нах ма хулла дукхагӀа хилийтарах болча балхах дийцар, Магасе дӀайихьача кхетаче. Цига дакъа лоацаш бар Россерча ЦӀеча ЖӀарга доакъашхой, Даьла духьа гӀо деш лела лораш, экологаш, къона эскархой. Юкъедоаладича беркате хургдарех дийцар хӀаране.

Иштта пайдане йола кхетаченаш массахана дӀакхахьа лаьрхӀад гӀо деш лелараша.

Таханарча дийнахьа доккха новкъостал лоаттаду цу оагӀон доакъашхоша хала боахкарашта, бойла дисача берашта, дегӀа могашал эшаеннарашта, ха яхача наха. Къаьстта цу нахацара болх тӀатеӀӀа дӀабахьа лаьрхӀа ба мехка. Цул совгӀа, спорта, культуран оагӀонцара кхетаченаш дӀаяхьа лаьрхӀад цар», - йоах тхога кхаьчача хоамо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде