Ветераний гӀулакхех дувцаш, кхетаче дӀайихьар мехка
Республикерча Халкъа Гуллама унахцӀенон, вахара политиках, ветераний, СВО доакъашхой гӀулакхех йолча комитета кулгалхочун гӀонча волча Олиганаькъан Бадрудина кхетаче дӀайихьар, «Россе тӀема операце ветеранаш» яхача мехкарча оагӀон кулгалхошца.
Тахан лоархӀаме долча СВО доакъашхошта, цар дезалашта гӀо лоаттадара, иштта ветераний болама гӀулакхех дийцар цига. Халкъа Гуллама зарбан болх лелабераша белгалдечох, бӀухошта хӀамаш яхьийтарах а дийцар цига; комитета, ветераний оагӀон юкъера бувзам чӀоагӀбарах хьоахадир.
«ТӀема операце ветеранаш» яхача ИРО, иштта Донбассерча СВО Союза хьалха латтача Иленаькъан Беслана депутаташта баркал аьлар, СВО доакъашхой оагӀув хьаллоацаш хиларах. Кхетаче йистейоалаш, «ГӀалгӀай республикан паччахьалкхен 100 шу дизар» яхача майдилгашца белгалбир доакъашхой.
