Гӏалгӏайче гӏолла хьем боаццаш дӏахайт, хаоттам дуӏан хьисапе эргабаргхилар
20.05.2026 13:17
Гӏалгӏайче гӏолла йолча Россе МЧС ГУ беча хоамах: «Маьтсела бетта 20-23 деношка республикан даькъ тӏа, цӏаьхха, хаоттам хувцалургба, чӏоагӏа догӏаш делхаш, цхьайолча хана 25 м/с мух хьекхаш.
Догӏаш чӏоагӏа делхарах хий айдалар, гувнашкара лаьтта чутакхар кхерам болаш да», - аьлар «Сердало» газетага мехка чоалханеча хьалашца къовсам лоаттабеча боахаме.
Наха оарцагӏъухараша бахархошта хьалхадоаккх лоралуш хилар, лоамашка ца болхаш сатохар, гаьнашта кӏалха машинаш ӏо ца увттаяр, цӏен кораш дикка тӏакъовлар.
Цӏаьхха, чоалхане хьал этта моттиг нийслойя, 112 телефон тоха. Мехка иштта ден-бус болх беш я Гӏалгӏай Республике гӏолла йолча Россе МЧС ГУ тешама телефон: 8 (8734) 55-99-99.
