Форта (Фартанга) яхача хин йистош цӀенйир
24.10.2023 12:46
Шолжа кхален администраце болхлоша Форта яхача хин йистош цӀенйир, ДаьттагӀа хий хьа ца доагӀаш хилара бахьан из долга шоашта хайначул тӀехьагӀа. Цу тайпара хоам бир «Сердало» газетага доал деча даькъ тӀа зарбан болх лелабераша.
«Моттигерча Ӏаьдало сиха оарц даккхар бахьан долаш, цӀенйир хий лоаттадеш йола моттиг хьаӀайна хотташ, кхыйола нувхаш дӀайоахаш, цул тӀехьагӀа хий хьадоладелар. Цо тешал ду, даим хий лоаттадеш йола моттигаш тӀахьожам, лостам болаш лелае езаш хилара, бахархошта кхы цу тайпара кхоачамбоацараш нийслургдоацаш», - аьлар Шолжа кхален администраце.
