«Атта йоацача яхьашка шоайла къовсаме баьнна дӀахьош хиннача латаре дикагӀа йолча команда моттиг яьккхар «Эскар» яхача латархой клубо, цун керте латт тренер Хазанаькъан Назир, Хьулахой Ӏалихан. Котбаьннарашта совгӀаташ делар, Кубок яларал совгӀа 30 000 сом. Селий мехкарча кагийча наха дIадихьар 20 000 сом, шоллагӀа моттиг яккхарах, цул совгӀа, кхыча шахьарера дикагӀа йола команда лаьрхӀа кхы тIа 20 000 сом делар цунна. «Калой» яхача спортивни клуба викалашта, шоашта кертте воккхагӀа вола тренер Исмейланаькъан Мурад волаш, 10 000 эзар сом делар, кхоалагӀа моттиг яккхар цар», - аьлар Сердало» газетага ГӀалгӀай Республикан спортивни латара федераце. Белгалду, лаьрххӀа дола совгӀаташ делар «ЦаI йола Росси» яхача парте моттигерча отделене «Вайнах» яхача Овшанаькъан Хьамзата, «Калой» яхача Исмейланаькъан Мурада, «Эскар» яхача Хазанаькъан Назира болх беча клубашта, гӀаьбартой хьехамчан Шогенов Артура «Баксан» яхача спортивни клуба, Мустафаев Ахьмада, Гелисхананькъан Iаддала «WIILD DIVIZION» яхача тоабанна.