Йиллача ханал хьалха тоаду наькъаш
13.10.2023 11:40
ГӀалгӀайче, мел эшар даь, бизза тоабаь баьннаб машенаш лела ийс никъ, цар дӀоахал 28 километр я, цул совгӀа, цхьаькха тӀий а йистедаьккхад тоадаь, из 90 метр дӀаьха да. Цунах дийцар ГӀалгӀай паччахьалкхен председатела декхараш кхоачашдеш волча Йовлой Мухьмада. Из дакъа лоацаш хилар, Россе паччахьалкхен вице-премьера Хуснулин Марата кулгал деш, Москве дӀабихьача видеогулламе.
ЧӀоагӀа лоархӀаме лоархӀаш дар Шолжа хи тӀагӀолла «Кавказ» наькъ тӀа керда тIий тиллар, «Никъ «Кавказ»-Эккажкъонгий-Юрт-СурхотӀе», «Никъ «Кавказ»-Илдарха-ГӀала-Юкъера Ачалкхе-ГӀайрбика-Юрт», иштта «Никъ «Кавказ»-ГӀажарий-Юрт-Оалкам-ТӀаргим-Чми», «Алхасте-Галашке» хIана аьлча уж чудоагӀаш да федеральни наькъашта.
«Машена наькъаш тоадара» йолча республикан программа чудоагӀаш да карарча шера 10,8 километр машенаш лела наькъаш тоадар. Цул совгӀа 54,1 километр машений наькъашта ремонт е лаьрхӀад, берригаш 15 никъ ба уж. Иштта мехка кхаленашта юкъера машений наькъаш дикача хьалашка хулийтаргда, цига а дӀадахийта лерхӀ 2 559,9 миллион сом, цу юкъе федеральни бюджетера 245 миллион сом долаш.
Моттигера наькъаш тоаду йиллача ханал хьалха.
