Уж яхьаш дӀахьош тӀахьожам лоаттабеш хилар ГӀалгӀай Республике гӀолла йолча Россе МВД УГИБДД, ГӀалгӀай Республикан промышленни бувзама министерство, иштта «Россе дикагӀа вола таксе водитель» яхача яхьа кулгалхо Казанин Кирилл, цо белгалдир яхь таксиста професси йоаржаяра, цун балха дикал лакхъяра дӀахьош хилар. Республикански яхь кхаь даькъа йийкъа яр.

«Хьалхарча шин даькъе наькъашка леларца, таксомоторни гулакхаца, ГӀалгӀайчен истореца дувзаденнача хттарашта жоп лора. КхоалагӀча даькъе практикаца дагойта дезар шийна ховш дар. Водителаша легковой оалача машенашца, шоашта хьалхашка оттадаь чоалхане декхараш автодроме кхоачашдора. Цул совгӀа, водителаша машен мел кӀаьда, нийса лоал хара машена тӀа хи пела оттадаьдар: хьалхашка оттабаьча наькъ тӀа машен хаьхка яьлча, пела чу хий дукхагӀа диссачун баллаш лакхагӀа лоархӀар.

Доакъашхоша тайп-тайпара кхоачашдир из декхар. Иштта шин доакъашхочо, из декхар кхоачашде ца могаш, пелаш дохадир. Бакъда цхьан водитело, цхьа тӀадам хий Ӏо ца бохийташ, шийна машен дика лалла ховш хилар гойташ, 12 балл яьккхар», - аьлар минпромбувзаме.

ШоллагӀа, кхоалагӀа моттигаш яьхараш бар Шибиланаькъан Мухьмада Ӏаддал (63 балл), Хамхой Омара Ваха, цун 59 балл хилар.