ГӀалгӀайче бизнесменашта ахчанца гӀо дергда
ГӀалгӀайче кердадоаккхаргда бизнесменашта ахчанца новкъостал дар. Керттера маӀан – цхьацца аьттув луш дола новкъостал дар доалахьара хӀама хьадерашта аттача даккхар, цох пайда эцар.
Уж хьаллацара йолча ганза болх моттигерча тешам луш йолча организацена дӀалуш хилар хьакхайкадир республикан кулгалхочо Келаматанаькъан Махьмуд-Ӏаьлас. Цун зарбан болх лелабераша ма аллара, хӀанз из болх лелабеш хургья экономически дегӀаахара Министерство. Цо кастлуш кхаь оагӀонца барт бергба, боккъонца из дӀачӀоагӀдара.
Келаматанаькъан Махьмуд-Ӏаьлас яхачох, цу тайпара хьалаш вӀашагӀдохкаро таро лургья бизнес хьаллоацаш йолча моттигашта хьалхашка латта декхараш кхоачашде.
«Керттердар да, цу тайпарча предпринимателашта цхьацца аьттув лу кредит далара хьал вай аттача доаккхаш хилар шоай бизнес лелаяра», - аьлар цо.
