ГIалгIай мехка кхетаченаш дIаяхьа Iомабеш, говзанч-хьехамаш хургда
Тахан «Кагирхой цхьанкхетарий ЦIагIа» говзанч-хьехам лургба, «Кхетаче вIашагIйолла, из дIаяхьа Iомабеш». Кхетаченах лаьца дикагIа проект язъяьр дIахо халкъашта юкъерча кхетачене ваха йиш йолаш ва, из болх вIашагIбеллар ше хиларах тарра, яхаш, дийцар «Сердало» газетага ГIалгIай республикан лоIамхой тароний центра зарбан болх лелабераша.
«Хьалхарча аргIагIа хьабийхараша йовзийтаргья хIарма кхетаченаш вIашагIйохкара, уж дIаяхьара йола къайленаш, Iомабергба кийчон болх дIабахьа, шоаш белгалдаьр, лаьрхIар кхоачашде. Къона доакъашхой шин тоабанна бийкъа хургба, царна довзаргда из болх дIабахьара ха дезар, цул совгIа, шоашкара масал гойташ, из дIахьоргба, шоай таронаш хьайовзийтаргья.
Цига хьалхашка оттадеш дола декхараш проекта чубоагIаш бола болх баьбар аьнна йистедоалаш дац, цул совгIа, цар шоаш де лерхIачун маIан довзийта деза, шоай къахьегам а лорабе беза», - аьлар ГIалгIай Республикан РЦД логистиках волча говзанчас Озанаькъан Салмана.
