Ӏалам лорадара бокъонаш телхаяьчоа, гӀод техад
Республикан гонахьара Ӏалам лорадара Министерствон инспектораша, Тӏой-Юртара балха тӀа вола саг, хьайбаех совъювлаш йола нувхаш ший лаьттан доазон тӀа Ӏойоассаярах административни бехктокхаме езав, яхаш, дийцар «Сердало» газетага Ӏалам лорадераша.
Цар баьча хоамах, цу тайпара хьал нийсделча, из 51 ст. ФЗ № 7-ФЗ 10.01.2002 «Нувхаш Ӏокхувсара» закон телхадаьрех лоархӀаш да.
«Ӏалам лорадара бокъонех, юртарча, хьун йистерча, салоӀача, дарбан-унахцӀенон, хин доазон тӀа нувхаш Ӏокхувса йоагӀаш яц», - аьлар ГӏалгӀай Республикан Ӏалама Министерстве.
Хӏанз Ӏалам лорадара бокъонаш телхаяьчо гӀод токхаргда 3000 сом (д. 2 ст. 8.2 КоАП РФ). Белгалъяьча хана из гӀод дӀтекха ца хуле, соцам дӀабохьийтаргба ГӏалгӀай Республике гӀолла долча Федеральни гӀулакхе, РФ КоАП 32.2 ст. дӀадеххача беса.
