ЦӀагӀа ийккхача газо кхалсаг лозаяь моттиг я вай мехка
26.12.2023 09:34
Наьсар-Кертерча цхьан цӀагӀа, газ ийккха, хатар хинна кхалсаг лозайир. Из хоам тха «Сердало» газетага бир МЧС болхлоша.
«МЧСера оарцагӀвахараш вар 12 болхлои, 3 машини, ПСО «Эрзи» ГК «ПСС РИ» моттигера оарцагӀа вера виъ саги цхьа машини. Хьежача болхлоша соцам бир, цӀагӀа хьаӀайна лаьтта газ ийккхалга. ЦӀи яьннаяц цӀагӀа, Даьла къахетамца. 80 кв/м кхоачаш доазув да газ ийккхар. Бераш хиннадац цӀагӀа, саг веннавац», - белгалдир МЧС болхлоша.
Газ эккхаро човхаяь кхалсаг дарбанче Ӏочуйигай.
