ТӀема операцен доакъашхой бицбац вай мехка
«Даьхен гӀулакха латтар ва, боккъонца вола турпалхо» яха денала сахьат дӀадихьар МагӀалбикерча № 4 йолча ишколе-интернате. Из дӀахьош хиннача Курскенаькъан Маринас берашта дийцар, вай къаман сийдолча турпалхоех, цар хьабенача наькъах, гойтача деналах. Дагалаьцар тахан Донбассе дӀахьоча тӀема операцен юкъе латта вай майра къонгаш.
«Лакха лерхӀам болаш, дӀайихьар из кхетаче. Вай бӀухошта лаьрхӀа байташ йийшар бераша.
Шахьарерча культуран цӀен солист Аветисов Вано, БайсхаровгӀар Мадинас кулгалду «Лоаман оаз» яха мехкарий тоаба яр цига ена. Даьхен гӀулакха уралаттар мел лоархӀаме да белгалдеш, къамаьл дир массане», - дийцар «Сердало» газетага культуран цӀенна кулгал деча ГӀазданаькъан Мухьмада.
Иштта йола кхетачеш вай кхувш латтача тӀехьенна эш; Даьхенцара безам, лерхӀам совбаккха.
