Гӏалгӏай мехка хьаелларгья, саг чувоацаш лелача авиаце центр
Гӏалгӏай мехка дӏайолаяьй, саг чувоацаш йолча авиаце технологеш дегӏайоалаяра йоккха проект. Промышленни технопарк дегӏайоалаяра даькъ тӏа, шерагӏа лелаергья вайцига хьалхара ӏилман-кхоллама пилот чувоаца авиаце таронаш. Цох хоам бир вице-премьера, моттигерча промышленноста, бувзама Министерствон кулгалхочо Кокурхой Адама.
Цо яхачох, карарча хана республикан кулгалхой тохкаш ба, «Аэрокосмос» яхача компанеца, паччахьалкхен доалахьара бувзам лелабара хьал. Цхьана болх дӏабахьа лаьрхӏад, низ бола ӏилман-кхоллама комплекс хьаеш, из хургья авиаце балха дакъа дегӏадоаладеча моттигерча программа керттера оагӏув.
Кокурхой Адама белгалдир, центр хьакхоллар, технопарк «меттаоттаяра» йолча таронашца цхьана дӏахьош да. Карарча хана, завода даькъ тӏа кердадараш юкъедаха кийча болча инвесторашца дагабалара болх дӏахьош ба.
Из хьал кхоачашдаро таро лургья Гӏалгӏайчен лакхача технологей моттигаш хьакхолла, экономикан гражданский даькъ тӏара хьал тоаде, хьалхара моттиг лелаеча моттигашта юкъе хила.
