ЛаьрххIача тIема операцен юкъе байнарий сийлен аллей хьайийллар вай мехка
«Хьалхарчар аллей» хьайийллар Наьсаре. Цига гулбеннабар тайп-тайпарча моттигашкара хьакимаш, бахархой. ТIема операце юкъе вахар хаьдача бIухой сийлен тайп-тайпара гаьнаш дIаегIар шахьаре.
Цу гIулакха керте эттар «Хьалхарчар болам» яхача ерригача Россе юкъарча паччахьалкхен цхьанкхетара моттигера оагIув. Цунна хьалха латтача Пхьошанаькъан Зоврбика дийцар, из мел лоархIаме болх ба.
«Халхарчар аллей» дикка шерлургья, кагирхошта, берашта ха дIаяхьа моттиг хургья цох. Хана йIоахалца хоза тоаергья аллей. Зоврбика белгалдир, шу хьалха мара шоаш болх дIаболабаьбеце а, карагIдаьннараш кIезига дац, аьнна. 10 эзар совгIа бер тайп-тайпарча вIашагIкхетарашта юкъеоза аьттув хиннаб цар. Тахан лакхача боараме дIахьу цар шоай гIулакх.
Юкъарча балхаца ювзаеннача Оздой Заремас белгалдир, из пилотни проект хилар, кхыйолча моттигашкарча наха цу юкъе дакъа лоацаргхиларах шоаш дог тийша хилар. Укх шера 50 совгIа га дIаегIай цар. Дийша йистеяьнна дIайодача хIара классо цхьацца га дIайогIаш хилча, геттара дика хургдар, аьлар цо. Белгалде деза, «Хьалхарчар болам» - ерригача Россе юкъара-паччахьалкхен болх болга.
2022-ча шера хьакхеллар из моттиг вай мехка. Кхувш латтараш мехка гIулакха тIахьехаш, керттердараш кхоачашде Iомабеш йола моттиг я из. Россе хIара моттиге, шоай болх бу цу лостамагIа, хIара ишколе хьакхолла йиш я цу тайпара моттиг.
