Гӏалгӏай мехка хьабийллар, Гойганаькъан Ӏаддал-Хьамида 130 шу дизара гойтам
05.11.2026 16:45
Гӏалгӏайчен къам мехкахдаккхара дагалоаттама музее «Кхоллама вахар» яха видео гойтам дӏахьош ба. Из хетабаьб паччахьалкхен цӏихезача болхлочоа, публициста, революционера Гойганаькъан Сипсой Ӏаддал-Хьамида.
«Гойтамо довзийт республикан бахархошта, хьаьшашта сийрдача цу ханарча воккхача викала вахар. Цига дувц цо дӏабихьача вахара наькъах, политически балхах, цо иштта ший хьамсарча мехка исторен, культуран даькъ тӏа доккха дакъа дӏалацарах», - аьлар «Сердало» газетага гойтам вӏашагӏбеллараша.
Къаьстта йола терко тӏайохийт видеоролика автораша Гойганаькъан Ӏаддал-Хьамида кхоллама балха. Цига гойта оттабаьча кхолламо, дагалоаттама, архива, исторически материалаша таро лу наха цун вахар дикагӏа довза.
