ЗаӀапхой халкъашта юкъера ди долаш, гойтам хьабийллар
02.12.2023 22:52
ГӀалгӀай паччахьалкхен Малсаганаькъан Тухана цӀерагӀча мехктохкама музее «Шоай кулгашца хозал хьакхоллаш» яха гойтам хьабийллар, халкъашта юкъерча заӀапхой денна хетабаь. Гойтаме хьокха оттадаь хӀамаш хетадаь да цу лоархӀамеча денна.
«Из кхетаче дӀахьош, музее говзанч-хьехам белар бӀаргса дика доацаш йолча Тиймарзанаькъан Аьсета. Ший масалца цо гойтар, вахарера халонаш нийсъеннаяр аьнна, саг догьийккха Ӏоха йиш йоацилга. ХӀаране таро я шийна карагӀдоалар гойта, цунах шийна ховш дар нахаца декъа», - аьлар «Сердало» газетага ГӀалгӀайчен мехктохкама музее.
ЗаӀапхой халкъашта юкъера ди, цхьадолча бахьанех болх бе йиш йоацаш, юкъарлонна новкъостал эшаш, бисарашта терко яра тӀахьехаш да.
