Россе герба ди дездир ГӀалгӀайче
Лайчилла бетта 30 дийнахьа Российски Федераце паччахьалкхен белгалон – герба ди дездир. Цунца дувзаденна, ГӀалгӀайчен бе-беча моттигашка хозален кхетаченаш я дӀахьош, яхаш, хоам бу «Сердало» газетага из вӀашагӀделлараша.
«ХӀара моттиго Россе герба ди ше-ший тайпара дезду, культуран цӀеношка концертни программаш я дӀахьош, музейшка кхоллам бовзийтара кхетаченаш ю.
«Илдарха-ГӀалан №1 йолча СОШ» яхача ГБОУ дешархошта лаьрхӀа «Вай герб» яха сийрда цӀай дир. Кхетам балара даькъ тӀара кулгалхочун гӀонча йолча Чахкенаькъан Анжеликас ялх команда дийкъар бераш, хӀара берий тоаба каьхатах герба проект вӀашагӀйолла езаш яр», - аьлар Илдарха-ГӀалан №1 йолча ишколе.
Белгалду, хьехархочо яхачох, бераша шоашта хьалхашка оттадаь декхар дика кхоачашдир, из болх бераша толамца баь хилар гуш дар.
