«Цу кхетачен доакъашхошта, дешархошта дайзар таханара цӀай дӀахьош хилара бахьан, из хьадаьнна истори, цар таро хилар ноахалашта юкъера дийна бувзам мичахьара хьаболалу уйла е. Бераша дийцар, боккхийча наьха хьаькъале дувцараш мел эшаш да, шоай даь-дас е даь-нанас беча хьехамах малагӀа пайда боал, шоашта уж мел дукха беза. Вай декхар - кхувш доагӀача ноахала вай къоаной безийта, боккхийча наьха хьашташ кхоачашдара уж тӀакхувш хургболаш кхебар», - аьлар «Сердало» газетага Долакоарча культуран цӀен кулгалхочо Алерой Билала. Кхетаче дӀахохьош дешархошта бовзийтар «МоллагӀча хана чу дикадар да массаза» яха гойтам. Укхаза го йиш яр ха йӀаьха йолча вахара хетадаь библиотекера масалаш. Кинижкай гойтамо хьахьекхар, моллагӀа ха яьннаяле а, вахар диза а сакъердаме а хила йиш йолга.