Сага бокъоний Ди дездеш ба вай мехка
10.12.2025 11:39
Оагӏой бетта 10-ча дийнахьа, дерригача дунен тӏа санна сага бокъоний Ди дездеш ба вай мехка а. 1950-ча шера ООН Керттерча Ассамблея наьха бокъонаш лархӏара тӏехьа юкъедаьккха цӏай да из.
Цӏай дездар хьаллоацаш, бахархошка къамаьл дир вай мехкарча сага бокъонех волча викала Цӏечой Ибрахӏима.
«Оагӏой бетта 10-ча дийнахьа яьча чӏоагӏон юкъе чулаьцар; сага политически, экономически, культуран оагӏонашцара, вахарера бокъонаш. Дерригача дунен тӏарча наьха бокъонаш лархӏара тӏехьа эшаш хилар из деклараци. Адамашта юкъера барт, безам чӏоагӏбеш цӏай хилда цох! Аьттонца, беркатаца, иразе, масса оагӏонашцара бокъонаш лоархӏаш хилда шун вахара денош!» - аьлар Цӏечой Ибрахӏима.
