ГӏалгӀай мехка белгалдир, нах дӀа-юха кхувлара таьрахь лакхденна хилар
2,4 млн совгӀа саг дӀа-юха вигав ГӏалгӀайчен транспортаца дӀадахача шера, яхаш, дийцар «Сердало» газетага мехка Паччахьалкхен зарбан болх лелабераша.
«Цу балха хьокхам лакха хургболаш къахьийгар ГӏалгӀай Республикан машиннаькъа, транспорта Министерствос», - аьлар хоамо.
Белгалду, нах дӀа-юха кхувла транспорт дика болх беш хилар лоархӀаме да республикан эзараш болча наха.
2025 шера бӏаьсти денз, ахчанцара а болх вӏашагӏболларцара а «Ингуштранспорт» ГАУ тоаеш къахьийгад. Цу тайпара, 9,2 млн сом алапех даьлла декхар дӀаденнад.
Цунца цхьана къахьийгад цу даькъ тӀара болх тоабеш: наьха хаттараш чулоацаш, доал дара даькъ тӀа 13 керда маршрут хьайийллай. Цул совгӀа, Россе Минтрансаца цхьана кхоачашъеш я «Юкъарлон транспорт дегӀайоалаяр» яхача къаман проекта чуйоагӀа «Вахара хьалаш тоадар» яха проект.
