Сага бокъонех волча викалга 2 эзар дехар даь хилар белгалду
ГӏалгӀайчен кулгалхочо Келаматанаькъан Махьмуд-Ӏаьлий кхетаче хилар, республикан сага бокъонех волча викалца Цӏечой ИбрахӀимца, цига дийцар 2024 шера бокъонаш лораяра тӀехьа баьча балхах.
Къамаьл деш, Цӏечой ИбрахӀима белгалдир нахагара 2000 дехар тӀадена хилар. Царех 501 лоткъам тахка а наьха бокъонаш меттаоттае а таро хилар. ДукхагӀча даькъе наьха дехараш дувзаденна дар вахара бокъонашца, къаьстта пенсионни Ӏалашонца новкъостал дар дехаш.
Иштта теркам тӀабахийтар СВО доакъашхошта, цар дезалашта эшарашта. Викала техкар цу тайпара 133 дехар.
«Сона хетачох, СВО доакъашхой бокъонаш эшаеш дола хьал геттара а боарам боацаш, ийрча хӀама да. Цу тайпара хӀама овлангара хоададе деза. Вай бӀухой паччахьалкхен доазонаш лорадеш латт, из да вай хургдар, вай кхоане», - аьлар Келаматанаькъан Махьмуд-Ӏаьлас бӀухочун бокъонаш телхаярах дувцаш.
