«Укх наькъа, Магас шахьара культуран, спорта, туризма Центра лаьрхӀар экскурси лелаерий дерригача дунен цӀай кӀеззига кхыча тайпара дӀадахьа лаьрхӀар, «Марем» гимназе ГБОУ дешархой, тайп-тайпарча профессей къона болхлой юкъе а болаш.

Дика къамаьл хилар, дешархошца пайда бола хоам а юкъе болаш, авторски тураш вӀашагӀйохкаш йолча ГӀулой Жанеттай; ГӀалгӀай Республике гӀолла Федеральни гӀулакха кхерамзленна отдела инспектора ХациевгӀар Имрана; «КӀалхьарваккхар» яхача ганза президента Саганаькъан Микаила, гражданско-патриотически кхетам балара, ГӀалгӀай Республикан кагирхой комитета кагирхошта юкъе зуламе моттигаш цахилийтара йолча отдела говзанча Хантиганаькъан Заьлмахас. Къамаьл дӀахьош тайп-тайпарча балхех лаьца дийцар, цу юкъера цхьадола бахьанаш а хьакъоастадир. ИйслагӀча класса дешархоша деннача хаттарашта жоп делар», - аьлар тхога хоам баьчо.

«Сога хаьттача, кхувш йоагӀача тӀехьенна дешарцара безам совбаккхар эш. Дешархоша де дезар да, шоаш дийша баьнна цхьа ткъаьх шу даьлча а, шоаех доаккхал деш хьехархой хилийтар. Эггара царех дикагӀбараш, массехк шу даьнначул тӀехьагӀа, доккхий толамаш доахаш хила тарлу, цу заман турпалхой а болаш», - аьлар Кавказ йовзийташ лелача ГӀулой Жанеттас.