«Из лазар юхадоалаш хилар, вайна гуш да 2016-ча шера денз. Лазар юхатохара накъаяьлар халкъашта юкъера, федеральни, республикански программаш. Бакъда, дикача оагӀорахьа хьал тоалуш дар аьнна доацаш, мел бола низ тӀабахийта беза цу лазарах нах берзабара, уж шоай ханнахьа лорашка чакхбахара, дӀахойодача хана из лаьгӀдара», - аьлар ГӀалгӀайчен Кулгалхочо Келаматанаькъан Махьмуд-Ӏаьлас, цу даькъ тӀа бе беза болх белгалбеш. Цо белгалдир, цу гӀулакхах бехктокхаме болча наха, кулгалхоша терко лоаттае еза, цу лахзарах нах кӀезигагӀа кхалхийтара.

«Белгалде деза, вай лораш дукха къахьийгад цу даькъ тӀа, лакхача боараме наха дарбаш деш, кхайкор оала лазар даржаргдоацаш. Царна карагӀдаьннараш дукха да», - аьлар Макшарипа Махьмуд-Ӏаьлас. Говзанчаша яхачох, цу лазара дарба дара керте латтараш да шоай ханнахьа лорашка чакхбоалаш хилар, иштта кхачанца кхоачам хилар, лорашта тӀаболхаш хилар. ГӀалгӀайче белгалдир 11,9% кӀезигагӀа лазар хилар.

«Белгалдаккха лов, вай лораша дукха къахьегаш хилар, хӀана аьлча къаьстта уж ба нах могаш хилийтара, царна юкъе долаш дола лазараш юхатохара къахьегаш бараш, цу даькъе кхайкор оалача лазарца а. Баркал оал аз лорашта, цу лазарца иштта къовсам лоаттабарах. Из чӀоагӀа лоархӀаме да», - аьлар Макшарипа Махьмуд-Ӏаьлас.