ГӀалгӀай мехка белгалбир Запорожьена новкъостал лоаттаду гӀишлонхой
ГӀалгӀай Республикан Паччахьалкхен Председатела Сластенин Владимира совгӀаташ делар, ГӀалгӀай Республикерча гӀишлонхошта хьалхалаттачунна, Запорожски областа Токмакски доал дара куран тӀа тоадара балхаш дӀахьош царна карагӀдаьнначох, яхаш, дийцар «Сердало» газетага мехка гӀишлошъяра Министерстве.
«Ах паччахьа баркал аьлар болхлошта, болх дикал лакха йолаш дӀабахьарах, иштта белгалдаьккхар, ГӀалгӀайчено вахар лерттӀа меттаоттадара эшаш дола новкъостал дергхилар», - аьлар гӀишлонхошкара бенача хоамо.
Говзача болхлоша, къахьегамхой тоабаша дика къахьйигад цига ЖКХ даькъ тӀа. Цар цӀенхаштта ремонт йир хин турбаш чуйоахкаш Молочанск-Шахьаре Крупскаяй урам тӀа, цун дӀоахал - 1379 м, Низовой урам тӀа-575м, Спартаковски - 446 м. Цул совгӀа, кхыдола балхаш а даьхад, бӀеха хиш дӀаахара йола станци, хӀанз болх бе дӀайолаяла мара ца езаш, кийча я.
Иштта Мира урам тӀа хин бурув тохара балхаш йистедаьхад.
Уж деррига балхаш деш да, Россе хӀара моттигерча бахархошта тахан лоархӀаме новкъостал лоаттадара.
