ГӏалгӀай мехка тоадергда 66 км дӀаьха тока саьргаш
ГӏалгӀайче 2025-ча шера 66 км дӀоахал дола тока саьргаш тоадергда. Теркама юкъе ба «Ищерская - Пхьилекъонгий-Юрт» яха керттера оагӀув, цо Ӏалашо ю электроэнергеца Шолжа-Шахьара цхьан даькъа яь ца Ӏеш, кхыйолча юрташта а.
ГӏалгӀай Республикан Кулгалхочун, Паччахьалкхен зарбан болх лелабераша яхачох, цу саьргий болх дика латтарах тийша да 32 эзар сага, иштта 54 вахарца ювзаеннача балха моттигашта тешшаме электорэнерги лоаттаяр.
Электросеташта чудоагӀаш да 436 къаьнара бӀоагӀий кердачарца хувцар, иштта 4 эзар керда Россе хьадаь «пела» оттадар.
«Республикан бахархошта хоалуш да тахан латташ дола хувцамаш, хӀанз кӀезигӀа ба электросеташта латкъаш бараш. Бакъда ма дарра из хьал аттача даккхара цох боагӀаш бола мах дӀалуш хила беза», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
Цо тӀахьийхар моттигера бахархой шоай ханнахьа йоагаяьча токах, газах, хих доагӀаш дола ахча Ӏаьдала дӀадалара, иштта белгалдир из коммунальни хьалаш тоадара дӀадодаш дар да, аьнна.
