«Илдарха-ГӀала- Яндаре» яха никъ тоабергба мехка
24.06.2025 09:34
12 км кхоачаш бола «Илдарха-ГӀала - Яндаре» яха никъ тоабергба мехка, ахкан тӀехьарча бетта. Вахара моттигаш тоаярах йолча къаман проектага гӀолла чакхбоаккхаргба из болх.
Мехкадаь зарбан болх лелабераша белгалдечох, из никъ итт шу совгӀа хьалха тоабаьбар, хӀаьта таханара цун хьал меттадоаладе дезача кхаьча дикка ха я. Шахьари юрти хотташ бола лоархӀаме никъ ба из, иштта гаьна йоацаш уллача кхаь ишкола тӀабодаш ба.
«Мехка эзараш бахархошта аттачахьа баьнна, кхераме боацаш хургба из никъ, тоабаь баьлча», - белгалдир вай Мехкадас.
2026-ча шерарча бӀаьстан хана тоабаь хилийта лерхӀ Минавтодоро бувцаш бола никъ.
