ДӀаде дезача ялатага хьожаш ба республике
25.09.2023 11:05
Массехк ди даьлча, дӀаде болалургба гуйранара ялат. Цу гӀулакха юкъе эггара лоархӀамедар да, дӀадувш дола ялат дика хилар. Из оагӀув тохкаш боахк цохдар ховш бола болхлой.
«Республикерча РСЦ хьежар дӀаде кийчдаьча ялатага. Цу юкъе мукх - 780 тонн, горчица - 50 тонн, кӀа - 1035 тонн. ГУП ОПХ «ГӀажарий-юрт», ЭСПРК «Ама», КФХ «Албаков», КФХ «Сейнарой Ӏийса» яхача боахамашка дӀабихьаб из тохкама болх. ДӀаде кийчдаьд дикагӀа лоархӀаш дола ялат - «Федор» яхача сортах дола кӀа, «Школа» (элита), «Таня»(1 РС), «Собербаш» (2 РС), мукх «Богатырь», «Иосиф»(2 РС), «Радуга» яха горчица», - йоах тхогарча хоамо.
