«Дукха ба вай кагирхой хьалха санна, вай Даьхен хьашт лорадеш, СВО тӀема мугӀарашка. Бакъда тахан вай дагалоац, дизза тӀема декхар кхоачашдеш; денал, майрал гойташ; цу мугӀарашка шоай синош дӀаденнараш, цар цӀераш цӀаккха а йицлургйоацаш яхаргья, тӀехьенгара тӀехьенга кхоачаш.

Байнача бӀухой Денала Орденаш дӀаелар цар дезалашка. Ховш да, цхьаккха хIама хургдац берашта да, фусам-нанна цӀен-да хувцаргволаш; даьна, нанна воӀ вицвергволаш; цун гаргарча наьха бала дӀаэцаргболаш - из вай юкъара бала ба.

Оаха дег чура бекъ шуца из бала. Царех хӀаравар, денна садехка лаьттав моастагӀчоа духьала, царна ховш дар шоаш юха ца боагӀаш биса тарлулга, бакъда вай Даьхе, Росси бахьан латаш хилар уж, цун кхоане лораеш», - аьлар ГӀалгӀай Республикан Кулгалхочо Келаматанаькъан Махьмуд-Ӏаьлас, из дог делхадеш йола кхетаче ше дӀахьош.

Денал, майрал гойтарах, тӀема декхар дика кхоачашдаь хиларах, Российски Федерацен Президента амарах совгӀаташ луш безбаьб тIема юкъе байна мугӀарера Оздой И., мугӀарера КIаражанаькъан Н., мугӀарера Албохчанаькъан А., зӀамагӀа вола сержант Келаматанаькъан М., воккхагӀа вола сержант Оздой В., зӀамагӀа вола сержант Евкуранаькъан М.

Даьхе лораеш бейнарий гаргарча нахага кодам бир гулбеннараша, боккхача лерхӀамца уж хьал а лоацаш.