ГӀалгӀай къаман
юкъара газет

Кердадараш

Вайцига йоккха культуран гIишлош хьалъе лерхӀ

ХьатӀадоагӀача шера, ГӀалгӀайче йоккха культуран гIишлош хьалъе лерхӀ «Культура» яха къаман проект кхоачашъеш, яхаш, дийцар «Сердало» газетага мехка культуран министерстве. Цу моттигашта юкъе я Паччахьалкхен филармони, Эрсий ашарий-драматически театр, мехктохкама музей, къаман библиотека, Магасе театрально-культуран комплекс, Наьсаре искусствай колледж.

«Цу ерригача гIишлошта оттадаь уж мишта хургья а фу мах гIоргба а белгалдаь каьхаташ да, уж паччахьалкхен тIахьожамах чакхдаьннад, цо чӀоагӀдаьд. ГӀалгӀайчен культуран министерствос дехар дӀадохьийт Россе культуран министерстве, уж гӀишлош Россе федеральни белггаларча программанна юкъегӀоргйолаш. 2023 шера дӀадахьийтача дехарах къоабалъяьй 2023 шера хьал а йоалаяь 2026 шера йистеяргйола паччахьалкхен филармони. Деррига а цу объекташка дӀадахийта лаьрхӀа ахча да 1,73 млрд сом»,-аьлар хоам бечо. ГӀалгӀай мехка керда гIишлош хьалъяро таро хулийтаргья мохк дегӀабоалабе, укхаза дахача халкъий культураш лорае.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде