ГӀалгӀайче «Шалта» яхача герза фестиваль дӀаяхьа лерхӀ
ХьатӀадоагӀача аьхки, ГӀалгӀай паччахьалкхен 100 шу дузаш, массехк кхетаче дӀаяхьа лерхӀ, цу юкъе хургья «Шалта» яхача шийлача герза фестиваль, иштта говраш хахкар, яхаш, дийцар «Сердало» газетага мехка кулгалхочун зарбан болх лелабераша.
«Вайцига бахка тарлуш ба говзанчаш- массайолча мехкашкара герз ду пхьараш, цар дахьаргда шоай дикагӀа дола балхаш: урсаш, дитташ, тӀабувхабу тӀема гӀирс, лаьрххӀа йоазош тӀадола пхьегӀаш. Фестивала хьаьший таро хургья из пхьоарал довза а шоашта фу хов хьажа а, цул совгӀа цига шоашта езаенна совгӀата хьисапе хьаяь хӀамаш эца а йиш хургья цар», - аьлар ГӀалгӀай Республикан кулгалхочо Келаматанаькъан Махьмуд-Ӏаьлас, ше цу дикача моттигах дувцаш.
Программанна юкъедоагӀаш хургда наьха чӀоагӀа хьажа безам боагӀаш дола говраш хахкар, цӀайна чудоагӀа из дакъа дӀахьоргда республикан столицанна Магас-Шахьара юххе.
