ГӏалгӀай мехка лаьрхӀад, «Тӏема сийлен моттиг» яха цӀи кхолла
ГӏалгӀайчен Халкъа Гуллама кхетаче, Келаматанаькъан Махьмуд-Ӏаьлас хьалхадаьккхар, республикан шахьарашта, юрташта «Тӏема сийлен моттиг» яха сийдола цӀи яла. Из кердадар юкъедаккхаро таро лургья МагӀалбик лораеш дӀайихьача тӀема операце турпалхой сий лакха лоаттаде.
Мехкадас белагалдир, 1943 шера наджгоанцхой бетта хьалхара денош, цӀаккха дицлургдоацаш, дусаргда МагӀалбика исторен чухьа, цудухьа республикан бокъо я из сий дола цӀи кхолла.
«Из лоархӀаме дакъа дӀалоацаш да Сийлахь-боккхача Даьймехка тӀема исторен оагӀон тӀа», - аьлар республикан Кулгалхочо.
Цо белгалдир, цу дешо шахьараш юкъейоалаярал совгӀа, юрташ а нах баха кхыйола моттигаш а чулоацаргья чӀоагӀа тӀом лаьтта, цига баьхача наха денал, майрал гойта хиларах.
Цунца дувзаденна, Макшарипа Махьмуд-Ӏаьлас депутаташта хьалхадаьккхар, из болх дӀабахьара дола хьал тахкар.
«Из, Даьхенцара безам гойташ хиларал совгӀа, кагирхошта кхетам луш а да», - аьлар цо.
