«Агрокомбинат Шолж» ООО директорий совета кулгалхочунца Iалбаканаькъан Хьажбикарца дийцар, юртбоахама йоккхача проекта шоллагӀа дакъа болх бе дӀадоладарах лаьца. «Агрокомбинат хьалъяра хьалхара дакъа чакхдоаккхаш новкъостал дир Къилбаседа Кавказ дегӀакхувлара корпораце. Из таханарча заман теплични комплекс я, бӀарчча шера цига баьцадаараш кхеду», - аьлар ГӀалгӀай Республикан Кулгалхочо, цу лоархӀамеча, республике йоккхагӀа йолча АПК балхах дувцаш.

Махьмуд-Ӏаьлас белгалдир,таханарча хана йоккхача мах беш йолча центрашца, кхыметтел Урале, Сибре ший продукци лоаттаеш бувзам болаш хьайоагӀаш из хилар, цул совгӀа, продукце дикал лакха а кхыча моттигаша дӀаехаш а я, аьлар цо. Карарча хана, мехка Ӏаьдал, боахамаш, урхалленаш уйла еш я, вай доалахьарча, «хими оала молхаш» тоханза долча баьцадаарашца бахархой Ӏалашбара. Агрокомплекса шоллагӀа дола дакъа балха юкъедалар, иштта

«Тихая» яха электроподстанци хьалъяр – ГӏалгӀайчен лоархӀамеча проектехя. Из социально-экономически оагIорахьара мохк дегӀабоалабара тайп-тайпарча даькъ тӀа дика толамаш дахара масала да.