Боккха болх дӀахьош, тоабеш латт лоархӀаме никъ
Ер шу йистедалалехь, тоабаь йистебаккха гӀерт «Кавказ-Илдарха-ГӀала-Юкъера Ачалкхе-ГӀайрбик-Юрт» яха боккха никъ. Из хоам «Сердало газетага бир Республикан кулгалхочун зарбан болх лелабечар.
«20 км гаргга никъ ба тоабеш латтар. Наькъашкара гӀирмаши кхы а цхьаццадараши дисад цига де дезаш. ПаргӀата болаш, дика никъ хургба цох, беррига болх чакхбаьлча.
Оттаяьча ханал хьалха йистебала тарлуш ба из боккха болх. Шелал отталехь йистедаьлар эггара лоархӀамедараш», - белгалдир вай мехкадас Келаматанаькъан Махьмуд-Ӏаьлас ший телеграм-канале.
Иштта цо аьлар; 2024-ча шера цу наькъ тӀара тӀий а кийча хургда, аьнна. ЙӀаьххача хана латтаргдолаш, боккха болх дӀахьош дергда из.
«Кхераме доаца дика наькъаш» яхача къаман проектага гӀолла, дукха къахьегаш, тоадеш латт вай мехкара наькъаш. СКФО регионашта юкъе, цу тайпарча балха хьалхарча лагӀа тӀа латт вай республика.
