«Кхувш латтача тӀехьен начӀал хьаллоацаш, цар кхетам лакхбеш бола болх таханарча хано дӀабеххача боараме дӀахьош латт вай мехка», - йоах тхогарча хоамо. Лакхача боарамга кхача гӀерташ, республикан юрташка, шахьарашка 3 спорта зал тоаяьй, 4 спорта доазош тоадаьд, спортклубаш, дешара моттигаш хьалъеш латт. Студентий кхетам лакхбергбола оагӀонаш хьадийллад колледжашка.

Шолжа шахьарерча №1 йолча лицее хьакхеллар таьрахьий дешарах бола оагӀув (ӀТ-клуб). «ХӀара бера аьттув» яха федеральни проект йоаржаеш, «Дешар» яха къаман проект хьаллоацаш, республике хьаелла лерхӀ моттигера модельни оагӀув. Укх шера республике дукха керда ишколаш хьалйир, тишъеннараш тоаяьй. Дешара хьал дикка тоалургдола болх ба, мехка гӀолла тӀатеӀӀа дӀахьош. 13 берий беш я тахан хьалъеш латташ.

Уж хиларо вай дуккхача мехкахошта болх-моттигаш Ӏалашъергья. 100% кхоачаш тоаденна хургда из гӀулакх, Дала аьннадале. Таханарча дийнахьа дӀахьош латта, дӀабихьа болх хьаийцача, вай мехкарча дешара оагӀон гӀулакх лакхача боараме да ала йиш йолаш да. Боккха болх ба ишколаш, берий бешамаш хьалъеш, тоаеш дӀабихьар.