«АНО «Импульс», Ӏалама гӀулакхех йола министерство яр, дешареи Ӏилмани гӀулакхех йолча министерствон гӀонца, уж яхьаш дӀайихьараш. Деррига а гулдаьр 8,5 тонн тиша каьхат да. Цох хьахиннача ахчах Токмакски кхалерча дешархошта эшаш йола хӀамаш эцаргья», - йоах тхогарча хоамо. Цу лоархӀамеча гӀулакха юкъе котбаьннараш ба МагӀалбикерча № 2 йолча ишкола дешархой. Цар ишкола лаьрхӀа эцаргья керда оргтехника. Ерригача ишколаша дикка къахьийгад, цу беркатеча боламе. Бе безаш бола болх чакхбаьккхача, тишача каьхатах хьахургья вахаре сага эшаш йола тайп-тайпара хӀамаш. Иштта болча боламо Ӏалама хьал а дикка лораду.