Керда машинаш хьачукхувлаш латт вай мехка
Нах дӀа-хьа кхувлача машиний хьал тоадарах дийцар премьер-министр волча Сластенин Владимира укх бетта 24-ча дийнахьа Парламенте; 2024-ча шера цу оагӀонцара гӀулакх меттадоаладеш, мехкарча Паччахьалкхено дӀабихьача балхах дувцаш вӀашагӀъеллача кхетаче.
ДӀадахача шера, «Магас» яхача аэропорте юкъейоалайир авиарейсаш Санкт-Петербург, Сочи, Самара, Тюмень, Петрозаводск, иштта Саудовски Араве хьажол де болхараш накъабаьхар. Фецарча кемашца вай мехкара араваьннараш 157,6 эзар саг ва ( Москве болхараш - 90-95%, региональни авиамаршрут – 80-85%).
Газомоторни доагорца лелаш йола «ПАЗ Вектор NEXT» яха 30 автобус хьачуйоалаяьй ГАУ «Ингушавтотранспорто». «ДӀа-хьа ухача наьха хьал аттачахьа даккхара тӀехьа, 24 никъ хьабийллаб мехка, царна юкъера 17 муниципальни, 7 муниципалитеташта юкъера», - йоах паччахьалкхен каьхато.
ОАО «РЖД», Республикерча, Нохчий мехкарча Паччахьалкхено вӀашагӀъелла технико-экономически оагӀонцара керда проект я, нах, иштта кхыйола хӀамаш дӀа-хьа кхухьаргйолаш никъ хилийтара. ЦӀер машинашца лелараш 50-60%-га кхоачаш дукхагӀа хулийтаргба цу гӀулакхо.
