170 000 сом лочкъадаь зуламхо лохаш да Iаьдал
22.04.2025 11:31
Интернете гIолла гучаваьннача зуламхочо 170 000 сом ахча лочкъадаь саг вера Iаьдала болхлошкара оарц деха. ГIишлон балхашцара хIамаш йохка онлайн-тика я ший, аьнна, Iехаваьв из цу сага. «Сердалога» из хоам бир МВД болхлоша. Илдарха-ГIалий тIарча аьшкабетона хIамаш хьаеча завода болхло ва ше, бетона плиташ хьаяхьаргья, аьнна, Iехаваьв из зуламхочо.
170 000 сом ахча дIатIадахьийтача, вож вайна дIаваьннав. Интернета оагIонашка дукха ба цу тайпара зуламхой. Боккъал а лоралуш, фийла хилар дех МВД. Шоашта ца бовзача нахаца йохкар-эцар ма леладе!
