200 эзар сом лочкъадаь зуламхо лохаш я полице
29.07.2024 09:51
Банкера болхло ва со, аьнна, оапаш бийца, Наьсарерча кхалсага цӀерах, из тувлъяь, 200 эзар сом кредит ийцад зуламхочо. Из лохаш болх дӀахьош я полици.
Латкъа енача кхалсага дийцачох, банкера болхло ва со, аьнна, из тешаяь, цун карта номераш хайна, 200 эзар сом цун цӀерах кредит ийца, къайлаваьннав зуламхо. Наьсарен кхален Россе ОМВД болхлоша РФ УК 159 ст. 2-ча даькъах гӀулакх хьадийллад цунна духьала. МВД болхлоша кхайкарал деш латт бахархошка! Боккъал а малашб ца ховча нахаца бувзам ма лелабе, шоай карта номераш дӀа ма ювца! МоллагӀа къоастаде дезаш дола гӀулакх банке дӀадахе къоастаде! Фийла хила, уйла еш хила! Ма Ӏехадайта шоаш зуламхошка!
