Шийца мефедрон яха «дохьаж» хинна хьаьша дӏалаьцар полице болхлоша
27.04.2026 10:38
Мефедрон яха «дохьаж» чудола кхо гурмат киса елла лела саг дӏалаьцар Магӏалбикерча полице болхлоша. Из хоам «Сердалога» бир мехкарча МВД.
Шийна йовзаш йола кхалсаг йолча мефедрон яха «дохьаж» киса доаллаш вена саг дӏалоацаш, цуна духьала РФ УК 3-ча даькъа 228 ст. гӏулакх хьадийллар Россе МВД «Магӏалбик» яхача МО тохкама оагӏон болхлоша», - йоах тхога бенача хоамо.
Шоашца хьаж йоаха жӏали долаш, болх дӏабахьа эттача МВД болхлошта гучадаьлар, цу сага хаче киса кӏай бос бола, пудара хьисапе хӏама чуйоалла ши гурмат хилар, дӏахо дикка хьежача, уж мо йола гурмат пазата чу лочкъаяь йоаллаш корайир. Дӏабихьача тохкама балхо хьагойтар из 2, 89 гр. мефедрон яха наркотик йолга. Из саг тахан ӏаьдала кара ва.
