Ялат дӏадийна боалаш латт вай мехка
21.11.2025 10:27
Республикера ахархой ялат дӏадувш бола болх чакхбаьккха бала боахк. Из хоам «Сердалога» бенаб юртбоахама гӏулакхех йолча Министерствера.
«Дабе-Юрт» яха юртбоахама кооператив карарча хана гурахьа мел дувш дола ялат лаьттанга кхачийта яьннай. Цу гӏулакха къоастадаьр 400 га доазув да, цу юкъера 250 га - кӏина лаьрхӏа, 150 га - мукх дӏабе.
Берригача мехка гурахьа дувча ялата къоастадаьр 26, 6 эзар совгӏа га, 20 эзар га лаьттан тӏа ялат дӏадийна даьннад тахан.
