«Альтий-Юртарча почто гӀулакх деш, цунна чувоагӀаш ва 10 609 саг, царех 4 596- пенсионераш. Яндарерча отделене гӀулакх ду 13 200 сага, царех 1 300 саг пенсеш ийдеш ва.

Цул совгӀа, цу тайпара цӀенхаштта тоаяьй ЖӀайрахьа, Кердача Реданте, Аьккхий-Юрта, Даби-Юртарча почташта, цу балхашта лаьрхӀа йола программа кхоачашъеш», - йоах хоамо.

ГӀалгӀай Республикан премьер-министр Сластенин ваха хилар цу моттигашка, баьча балхага хьежар, нахаца къамаьл хилар. Цигарча болхлоша мехкарча Ӏаьдала доккха баркал аьлар, цу тайпара дика балха хьалаш шоашта кхолларах.

Министрий хьакима белгалдир; почтан отделенеш хилар лоархӀаме да юрта бахача наха, аьнна.

Белгалду, овлангара уж объекташ кердаяха йолайир, РФ Президента амарах дӀахьош йолча, 2025 шерга кхоачаш; юрташкара, гаьнарча моттигашкара почтай отделенеш тоаяра, уж дегӀайоалаяра йолча программах.