«ЙоккхагӀа йолча Эккажкъонгий-Юрта хиннача кхетаче, дакъа лоацаш вар «ЦаӀ йола Росси» парте РИКа кулгалхо Кхоартой ИбрахӀим, ГӀалгӀай Республикан экономикан министра гӀонча Налганаькъан Аслан, «Са бизнес» яхача центра кулгалхо Албохчанаькъан ИсмаӀал, иштта республикан зӀамигача, юкъерча бизнеса тайп-тайпарча даькъ тӀара викалаш», - йоах хоамо.

ВӀашагӀкхетар дӀадахьарах таро хилар тахан хьалхарча мугӀаре латта, бизнесаца дувзаденна хаттараш тахка, ший гӀулакх дӀадоладича хьабоалача пайдах дувца. Керте оттадаь хинна дош дар, керда балха пхьоаллеш хьалъяр а уж дегӀайоалаяр а, иштта цу хьакъехьа юкъедоаладеш дола кердадараш хьаллацар, инвестицеш юкъеяхар, дӀахо дӀахьоргболча балха даькъ тӀа кийчо яр.

Белгалду, цу тайпара кхетаченаш дӀахьош хиларо пайда лу, шоай долахьара хӀама хьаделлаш болча наха, уж хьож шоай болх дикагӀча боарам тӀа баккха. Цо иштта таро лу шоайла яхьебала, мехка балха моттигаш Ӏалашъе, республикан экономиканна дикача оагӀорахьара из Ӏаткъаш а хул.