ГӀалгӀай мехка дӀавеллар СВО вийна турпал ГӀоандалой Бахьаудин
МагӀалбика кхален СоагӀапча таьзет хилар, ГӀоандалой Бахьаудин дӀаволлаш, цун валар хилар Донбасс лораеш Россе дӀахьош йолча лаьрххӀа йолча операценна юкъе. Даьхен оагӀув лаьца; майрал, денал гойташ эттача бӀухочун деррига а 28 шу мара даьннадацар. Фусам-нана, цхьа шу даьнна йиӀиг йисар цун.
«Саькура бетта, 503-ча мотострелкови бӀун разведчик ГӀоандалой Бахьаудин тӀема декхар кхоачашдеш Херсонски областе хьун йистерча даькъ тӀа эккхаш долча герза тӀа (мина тӀа) нийсвелар. ШоллагӀча дийнахьа, хиннача човнах кхелхар из», - аьлар «Сердало» газетага ГӀалгӀай паччахьалкхен болхлоша.
СоагӀапча, ГӀоандалой Бахьаудина таьзете хилар ГӀалгӀайчен паччахьалкхен, Халкъа Гуллама викалаш. Цар кодам бийцар турпалхочун наьнага ГӀоандалой Маремага, иштта цун гаргарча нахага. Республикан Кулгалхочо тӀадиллача декхарах, ГӀоандалой Бахьаудина дезала ахчанца новкъостал дир.
Дала къахетам болба цох, Дала гешт долда цунна!
