ГӀалгӀайче дӀавеллар СВО доакъашхо Дзейтанаькъан Адам
12.04.2024 23:18
Шолжа кхален Галашка таьзет дар, Россе Донбасс лораеш дӀахьош йолча лаьрххӀача операцен доакъашхо Дзейтанаькъан Адам дӀаволлаш. Цун валар нийсделар, шийна хьалхашка лаьтта тӀема декхараш кхоачашдеш. ГӀалгӀайчен воӀа, СВО хьалхарча мугӀаре этта, денал гойташ, дизза кхоачашдир тӀема декхар.
Цу таьзета баьхка хилар ГӀалгӀайчен Халкъа Гуллама Председатель ТӀумхой Мухьмад, мехка Паччахьалкхен хьалхара вице-премьер Йовлой Мухьмад.
Из гӀайгӀа царга ена дег чура хала а хеташ, кодам бир бӀухочун даьга-наьнага. Дзейтанаькъан Адам дӀахохьош вар, массайолча хана вай къаман майрал, денал долча къонгаша а вай даьша а леладаь гӀулакх - Даьхе лораяр. Цун цӀи цӀаккха а йицлургьяц гӀалгӀай къаманна.
Дала къахетам болба цох, Дала гешт долда цунна!
