Амбулаторе тӀаэцаргба кхыдолча лазарех а, цунна чудоагӀаш хургда дукхача лазарашта дарба дар. «Вай республикан бахархошта из доккха совгӀат да. Дуккхабараш республикал арахьа дӀааха безаш хул, тахан дика хьакхоачаш боацача лорашка чакхбалара, уж дӀаух кхыйолча йоккхача лорий моттигашка. Цар наькъа а дукха ахча доаде дезаш хул, цул совгӀа, дӀакхаьчача даарех а дӀадода, Ӏеш болча фусамех а ахча дала дезаш хул, из чӀоагӀа Ӏаткъаш да могаш боацача наха. Нахага яц цу тайпара таронаш. Инвестораша лерхӀ Москвера дикагӀа бола лораш, кхыча моттигашкара говзанчаш вайцига болх бе хьеха. Са баркал ала безам ба, из дика гӀулакх хьаллацарах, Гуцаранаькъан Микаила. Из цхьа гIишло хинна Ӏац вай республике хьалъе лаьрхӀар, наха пайдане хургйолаш. Оаха тхоай оагӀорахьа новкъостал дергда из моттиг хьалъяра», - аьлар Келаматанаькъан Махьмуд-Iаьлас.