ГӀалгӀайчен столице, «Кванториум» яхача берий технопарке дикагӀа бола жӀакех ловзараш даькъалабийцар хозача совгӀаташца, яхаш, хоам бу «Сердало» газета корреспондентага цигарча зарбан болх лелабераша.

«Берригаш а шоай ловзара говзал гойтараш 26 саг вар. Яхьаш йистейоалаш, котало яккхара дикагӀа ловза ховш вола 12 саг яхьеваьлар. ЙоагӀаш яьккха хьалхара моттиг елар Котанаькъан Ислама, 2-гӀа моттиг Ӏалбаканаькъан Зоврбика, 3-гӀа моттиг йийкъар Ӏарчакханаькъан Ахьмадеи Марзбиканаькъан ИсмаӀаласи, Ӏарчакханаькъан Фатимат белгалйир дикагӀа йола ловзархо санна», - аьлар берий технопарке.

Уж яхьаш вӀашагӀъехкараша яхачох, бераша хьагойтар, жӀакаех ловзара бола никъ шоашта мел дика бовз а нийса уйла е ховш хилар а, из доацаш жӀакех ловза йиш йоацилга вайна дика ховш ма дий. Хьалха «Сердало» газета яздаьдар жӀакех йолча яхьах лаьца, из Магасе 9-10-ча лайчилла дӀаяхьа лерхӀаш хиларах.