«ЦаӀ йола Росси» яхача парте воккхагӀа вола доакъашхо даькъалавийцар республике
90 шу доалаш вола шоай новкъост Малсаганаькъан Арсмак даькъала вувца баха хилар Наьсарера единороссаш Бохтарнаькъан Ювсапаца. Из хом тха газетага бир «ЦаӀ йола Росси» яхача парте оагӀон зарбан болх лелабераша.
2003-ча шера денз, къахьегаш хьавенарех ва Арсмак. 21 шу парте даьккхача сагага ала, дувца дукха да.
Эггара хьалхарча аргӀагӀа, парте генеральни совета секретарь волча Турчак Андрейс даькъала вувцаш, Арсмакага дайта каьхат дӀаделар Бохтарнаькъан Ювсапа, тӀаккха шоашкара массанегара даькъалавийцар.
«Тахан «ЦаӀ йола Росси» яхача парте оагӀон доакъашхошкара даькъалавувц оаха хьо! Могаш, маьрша волаш, иразе вахалва хьо дуккхача шерашка. Беркатах дизза хилда хьаи хьона мел безарийи вахар!» - аьлар Малсаганаькъан Арсмак даькъалавувцаш Наьсарерча МО секретара.
